دەمێکە بیرۆکەیەک لە خەیاڵمە وە هەندێ جار بیرم چووەتە ئەوەی چۆن بیکەمە کردار و هەنگاوەکانی سەرەتای دەست پێ بکەم
لەگەڵ ئەوەش دا دوو دڵم ، هاوشێوەی بیرۆکە و پرۆژەکانی تر کە لە خەیاڵم بووە
گەشبین نیم لە دەرئەنجامەکەی ،وابزانم ڕوونە ئیتر بە کردار کردنی
هاووشێوەی جارانی تر کات کوشتنە، بێگومان شتی نوێشی لێوە دێتە پێش
زۆر جار بەنی ئادەم شتێک دەکا خۆشی دەرئەنجامەکەی دەزانێ و لەگەڵ ئەوەش دا سوڕە لە سەر ئەنجام دانی
یا ئەوەتا دەیەوێ حەزەکەی خاڵی بکاتەوە یان هەر ئەوەی دەیەوێ بە خاڵێک بگا کە مەبەستیەتی
لە جیهانی نێت دا بیرۆکە و پرۆژەی زۆر هەن دەکرێ بێنە بوون و تاقی بکرێنەوە ،لەگەڵ ئەوەش دا
پێویستە پلان ڕێژی بۆ هەر کارێک بکرێت کە دەیکەین
ئەم پرۆژەیەی نیازم هەبوو دەستی بۆ ببەم ،یان باشترە بڵێم ئێستاش ئێستاش لە خەیاڵمە
بریتی بوو لە دانانی ماڵپەڕێک ، ئەم ماڵپەڕە تایبەت بێت بە کاری دیزاین و وێنەسازی و وێبداڕێژی
لە سەر بنەمای داواکاری و خستنەڕوو
پرۆژەکە لەم چەشنەی خوارەوە خەیاڵم بۆ دەکرد بە پوختکراوی
- ماڵپەڕێک دیزاینەران بتوانن دواین کار و دیزاینی خۆیانی تێدا بخەنەڕوو و پرۆفایلی تایبەت بە خۆیان هەبێت
- بەشی داواکردن و خواست ، کە کۆمپانیاکان بڕێک پارەی دیاری کراو دەستەبەر بکەن و داوای دیزاینێک بکەن
- دیزاینەر جیا لە وەی توانای خستنەڕووی کارەکانی، بتوانێ بچێتە چوارچیوەی پێشبرکێی کاری داواکارەوە
- ئەم ماڵپەڕە چوارچیوەیەکی یاسایی هەبێ و مافی هەمووان دەستەبەر بکات
بۆ ئەوەی دیزاینەران بتوانن لە شوێنێک دا کۆببنەوە و سود لە یەکتر ببینن و دواین کارەکانی یەکتر ببین و
ئاشنای شێواز و تایبەتمەندی نوێی جۆرەکانی دیزاین ببن
و لە هەمان کاتیش دا شوێنێک کە بتوانێ حەقی ماندووبونیان بۆ قەرەبوو بکاتەوە بە جێبەجێکردنی خواستی داواکار
وە خاوەنکاران و کۆمپانیا و دامەزراوەکان ،دەتوانن نایابترین و جوانترین دیزاینی لۆگۆ و ماڵپەڕ و برۆشەر و هەر جۆرە
کارێکی تر لە سەر خواست و ئارەزووی خۆیان دەست بخەن
و لە بەرامبەر دا بڕە پارەیەکی دیاری کراو ئامادە دەکری بۆ براوەی دیزاینە ویستراوەکە لە لایەن داواکراوەوە
هاوشێوەی ئەم بیرۆکەیە لە وڵاتان هەیە و لە جیهان دا نمونەی زۆرە
بەشێک لەم بیرۆکەیە بە جیا جیا ، بە نمونەی چەندین ماڵپەڕی خستنەڕووی کاری دیزاینەران
یاخود ماڵپەڕەکانی داواکاری و خواست
ئاڵۆزترین خاڵێک کە کارکردنی پێویستە دۆزینەوەی میکانیزمی مامەڵەکردنی پارەی سەرهێڵە
وە یەکێ لە هۆکارەکانی شکستی زۆربەی زۆری ئەم جۆرە پرۆژانە نەبوونی ئەو میکانیزمەیە
پێشترش لە شوێنی تر ئاماژەم بۆ کردوە
هەر چۆنێک بێت، هەندێ جار و لە کاتی جیاواز کەمێک هەنگاوم بۆ ناوە
.دواتر دەستبەرداری بووم ،نازانم لە داهاتووش دا دەتوانم ئەو هەنگاوە بنێم و کارێکی تێدا بکەم
سۆران عبدالرحمن
شەوی ١٣-٥-٢٠١٤
هیوای ڕۆژگارێکی خۆش و ئارام