وانەکانی ژیان کە لە زانکۆدا فێریان نابیت
خوێندن و فێربوون لە زانکۆ و فێرگە بێگومان گرنگی و تایبەتمەندی خۆی هەیە ، لەگەڵ ئەوەشدا هەموو شتێک نیە
بەڵکو سەرەتایەکە
١ - هەندێ جار ژیان دادوەرانە نیە
لە ژیاندا مەرج نیە بە هەموو ئەو ویست و خواست و هیوایانەت بگەی کە دەبێتە ئامانجی ژیانت ، مەرج نیە لە هەموو کاێک دا
سەرکەوتوو بیت و ئامانجێک بپێکی ، دەستکەوتێکت هەبێ ، وەکو هاوشانەکەت چانسێک دەستبخەی ، دادوەرانە نیە لەو ڕووەوەی کە وەهایە ،بەڵام
ئەمە خاڵی کۆتایی نیە دەکرێ باشتری بە دواوە بێت
٢ - زۆر لەوانەی فێربووی دەبێ لە یادی بکەی
لە ماوەی پرۆسەی فێربوون و خوێندنی فێرگەدا زۆر شت فێردەبیت بێگومان ، بەڵام بەشێکی زۆری ئەم شتانە کردەیی نین و لە چوارچێوەی بیردۆز و
پێشنیاز و بۆچونەوە و لە ژیانی ڕاستەقینەدا پێویستت بە کردار و کاری ڕاستەقینە هەیە
٣ - توانای دەرخستن
زۆر گرنگە بتوانی ئەوەی دەتەوێ بیگەیەنێت و گرنگییەکەی بخەیتە ڕوو ، نمونەی کاری نمایش و خستنەڕوو و بانگەشە بۆ بەرهەمێک بیرۆکەیەک
پێشنیارێک
٤ - کاتی بەتاڵ لە دەرەوەی زانکۆ
لە ماوەی خوێندن دا کاتێکی زۆرت بە دەستەوە دەبێت وەکو پشوو و کاتی تر کە چەندین مانگ لە پشوو دا دەبیت ، بەڵام لە چوارچێوەی ژیان دا
کەمتر کاتت دەبێ و لە ماوەی کارکردنش دا لە هەفتەیەک دا کەمتر کاتی زیادە و بەتاڵ دەبێ
٥ - شکست
کاتێک کە هەست دەکەی شکستت هێناوە لە کارێک و پرۆژەیەک دا دەست دەکەی بە سەرزەنشتکردن و لۆمەکردنی خۆت
بەوەی ئەگەر زانیبات ئەوە ڕوو دەدا ئەوە ڕەنگ بوو کارێکت دەکرد ، بەڵام بۆ دوورکەوتنەوە لە شکست یان چۆنیەتی زاڵ بوون بەسەر شکست
دەتوانی سوود لە ئەزمونی کەسانی تر ببینیت و هەوڵ بدەی چۆن بتوانی زاڵ بیت و کۆنترۆڵێ شکست بکەی
٦ - قسەکردن لە بەرامبەر خەڵکی
لە ماوەی ژیانی هەر ئینسانێک دا بە لای کەمەوە جارێک دوو چاری ئەوە دەبیتەوە کە لەبەردەم خەڵکی و لە نێو کۆمەڵیک کەس دا قسە بکەی
و گفتوگۆی بکەیت ، بۆیە ئەم خاسیەتە گرنگە و پێویستە هەوڵ بدڕێت بۆ بەدەستهێنانی توانای ئاخافتن لە نێو خەڵکی دا
٧ - فێربوونی چۆنیەتی ڕووبەڕوبونەوەی ژیانی ڕاستەقینە
ئەوانەی بەردەوام لە چوارچێوەیەکی دیایکراو و تایبەتی دا دەژین و مامەڵە دەکەن ، وەکو خوێندنی تایبەتیی و زانکۆی تایبەت و کاری
بۆ ئامادەکراو ، ئەمە پێی ناوتێ ژیانی ڕاستەقینە
٨ - بڕیاردان
لە هەر سات و کات و ڕژێک دا مرۆڤ دەیەها بڕیار دەدات لەسەر شتەکان ، ئەمڕۆ چی دەکەم ، چۆن دەڕۆم ، دواتر چی ..هتد ، بۆیە دەبێ بزانین چۆن بڕیاری دروست و گونجاو بدەی بۆ کاتی پێویست و ژیانی ڕۆژانە
سۆران عبدالرحمن
13-5-2016