بەخێرهاتی بۆ ئەم بلۆگە
مێژووی دەستپێکردن
سەرەتای بلۆگ نوسینم دەگەڕێتەوە بۆ کۆتایی ساڵی ٢٠٠٩ - سەرەتای ٢٠١٠ ئەو کات بلۆگێکم هەبوو، دەکرێ بڵێم کە ئەم بلۆگەی ئێستا درێژەپێدەر و تەواوکەری هەمان بلۆگە.
دوای دوو ساڵ، ئەو کات سیستەمی ئەو بلۆگە (Kurdblogger.com) وەستا بەشێوەیەکی کاتی و ئێستاشی لەگەڵ دا بێ.
دواتر لە ٢٠١٢ دا ئیتر دەستم کرد دروستکردنەوە و نوسینەوەی ئەوەی لە خەیاڵمە و لەگەڵم دا لە ژیان، و ئەوەی لە توانام دایە لێرە بینوسم و بیپارێزم
بیرۆکەی ئەم بلۆگە تەنها نووسینکاری نەبووە و بە چەند قۆناغێک تێپەڕیووە، لە ماوەی چەند ساڵی ڕابردوو دا کۆمەڵێک ماڵپەڕم هەبووە لە سەرخانەخۆ و دۆمەینی جیاواز, ڕۆژگارێک هەوڵم دا ماڵپەڕێکی زانیاری و هەواڵی تەکنەلۆژیایی دابمەزرێنم، ماوەی ساڵێک کارم تێدا کرد و بابەتم نوسی و وەرگێڕا و بڵاوکردەوە، ویستم وابوو ببێت بە یەکێک لە ماڵپەرە بەهێزە کوردییەکان بە ڕەچاوکردنی ناوەڕۆک و ئامانج و دەرکەوتەی ماڵپەڕەکە، کۆمەڵێک کەسی بەتوانا و یارمەتی دەر بدۆزمەوە، ئەفسوس نەگەیشتم بەوەی دەمویست، تێگەیشتم هەمیشە کاری بە کۆمەڵ و چەند کەسە سەرکەوتوو ترە وەکو لە کاری تاکەکەسی بە تایبەتی بۆ ئەنجامدانی کارێکی مەزن.
لەو چەند ساڵە لە پاڵ دانانی ماڵپەر، مەکۆم هەبووە، لە یانە - مەکۆش دا هاوبەش لەگەڵ کەسانێک یانەمان هەبوو بۆ بابەتی گشتی و فرەچەشنە هەڵبەتە زوو لەوە دابڕام، کۆتاجار گەیشتمە ئەو بڕیارەی کە لە سنوری بلۆگێک دا زیاتر ئاسودەترم و ئازادانە تر دەتوانم بنوسم و زانیاری ببەخشم بەپێی ئەو کاتەی کە بۆم دەڕەخسێ، بۆیەش بلۆگەکەم بەردەوام پوخت دەکەمەوە و هەوڵدەم بابەتە لاوەکیە زۆر باوەکان وەلا بنێم.
بایۆگرافیی من
ئارەزوومەندێکی بلۆگ نوسینم و دۆستایەتیەکی زۆرباشم هەیە لەگەڵ کۆد و وێبسازی و تەکنەلۆژیای زانیاریی هەڵبەتە دەرچووی کۆلێژم بەشی ئەندازەی سیستەمی زانیارییەکان، وەکو ئەندازیاری کۆمپیوتەر لە کۆمپانیایەکی پەیوەندییەکان - تیلیکۆم کاردەکەم و ئەزموونێکی زۆرم لەو بوارەدا هەیە، شادمانم کە سەرباری فراوانی و گەورەیی بوارەکە، توانیومە لە چەند لایەنێکەوە ئەسپی خۆم تاوبدەم و زانیاری دەستبخەم و دەست دەخەم لە ئێستا و داهاتووش دا.
مێژووی گۆڕانکارییەکانی پێگە
٢: لە بەرواری ٢٤/٣/٢٠٢٤ دوای ٤ ساڵ لە بەکارهێنانی بۆ جارێکی تر بڕیارم دا دۆمەینی ئەلفبێ ڕابگرم و پێگەکەم گەڕاندەوە سەر سەبدۆمەینی بلۆگگەری گووگڵ و پێموایە لە چوارچێوەی بلۆگێکی سادە و بێ دۆمەینی سەربەخۆ دابێت گونجاوترە و دوورمەوداتر دەبێت١: لە بەرواری ٦/٥/٢٠٢٠ ناوی بلۆگی دەروازە گۆڕا بۆ ئەلفبێ تیک، وە دۆمەینی ئەلفبێ جێگرەوەی دەروازە و سەب-دۆمەینیسۆران دەبێت، کە پێشتر بەکاردەهاتن و بەم بلۆگەوە پەیوەست کرابوو، هەڵبەتە ئەم دۆمەینە ٤-٥ ساڵ بەکارهات
ئەو دۆمەینانەی لەسەرەتای دەستپێکردنەوە تاکو ئێستا لەم بلۆگە پەیوەستکراون
www.alfbe.comwww.derwaze.com
سۆران عبدالرحمن